Honi buruz
7 egun, 7 galdera
Egin Ttap! online lehiaketaren bigarren edizioa da honakoa; hain zuzen, azaroaren 22tik 28ra egingo dena. Helburua 7 egun hauetako bakoitzean 7 galdera erantzutea da, ahalik eta azkarren, haur eta helduak (familian zein lagunekin) batera.
Galderak askotarikoak izango dira: kultura, natura, musikagintza, geografia… Quizz dibertigarria da! Euskaraz ondo pasatzeko momentutxo bat sortuko duena. Herriko irabazleen artean, final handi bat egingo dugu Durangoko Azokan, abenduaren 6an.
Gainera, parte-hartzaile guztien artean sari eder bat ere zozkatuko da! Animatu zaitez!
Izena eman
Guri buruz
Kukulaisi Aisialdirako Topagunea aisialdi elkarteen elkartea da. Euskal Herri luze eta zabaleko 18 elkartek osatzen dugu Kukulaisi, eta aisialdi euskaldun, hezitzaile eta berritzaile baten alde egiten dugu lan. Horregatik, askotariko lanak eramaten ditugu aurrera: hezitzaileentzako formazioak eskaintzen ditugu, euskara ardatz duten proiektu berritzaileak abian jartzen ditugu, ikerketan ere dihardugu... Baina garrantzitsuen, Euskal Herriko aisialdi taldeen saretze eta indartze lanak egiten ditugu, denok batera indartsuago garelako!